|
Meri pyar bhari, ek aur ghazal,
unke naam ho gayi !
MeiN kya, Dil kya, Kalam bhi,
unki ghulam ho gayi !!
Waqt kitna, khyaaloN meiN unke
guzara, pata nahin !
Abhi abhi to sehar thi, phir
se shaam ho gayi !!
Mann ke taroN ko chhed ke,
bheje wahan dil ke sandesh!
Laut-ti hawa ki khushboo,
unka paigaam ho gayi !!
Har ek ghooNt mohabbat ke,
nashe se sarabor !
Zindgi meri, unki yaadoN se
bhara, ek jaam ho gayi !!
Unse milne ko khwaboN mein
bhi, bina ruke chalta raha !
Ek saaNs bhi, kuch der ka,
aaraam ho gayi !!
Ghazal se kahooN, dil se kahooN,
kaise dilaooN unko yakeeN !
Be-intehaaN mohabbat meri,
unki nazar mein, aam ho gayi !!
ChaaNd ko taak kar, kaatooN
raateN, meri mazboori hai ...
Is intezaar ko, lagaooN gale,
yahi jaroori hai ...
Raat itni lambi, chaaNd bhi
bhatak kar, thak gaya !
Unke khyaal se, har aahat
par, meiN dar tak gaya !!
Unki yaadoN ki khushboo, meri
kastoori hai ...
Dil bhi dharakta hai ab behad,
azeeb si dhun meiN !
Jaise wo saamne baithe hoN,
kisi jheene chilman meiN !!
Josh abhi toota nahin, Khwahish
bhi poori hai ...
Abhi gujri haiN kuch ghariyaaN,
lamhoN ko gin gin ke !
Khuda bhi rakeeb lage unheN,
pyaar kareeb na ho jinke !!
Dil ke bahut haiN wo kareeb,
jismoN ki doori hai ...
Phool fir aaj, be-wajah, muskraaye
haiN !
Shaayad unke bhi khyaaloN
meiN, aap aaye haiN !!
KhwaboN ki duniya, ek aalishann
mahal si sundar !
Dar-o-deewaar jiske, khwahishoN
se, humne sajaye haiN !!
Aandhi bhi na hila paaye, toofaaN
bhi haar maan jaaye !
Pyar ne paoN, is kadar, yahan
jamaye haiN !!
PaheliyaaN zindgi ki bujhana,
aasaaN kaam to nahiN !
Pyar ne magar, hamesha, raste
sahi dikhaye haiN !!
Do pal ki zindgi, aur
usme bhi, intezaar ke lamhe !
Kudrat ne jeevan ke ajeeb,
niyam banaye haiN !!
Mann meiN jab chhaa gaya, manzil
ko paane ka junoon !
BhaNwar mein faNsi lehroN
ne bhi, kinaare paaye haiN !!
" Intezaar "
Geela hai aaNgan mera, hui
barsaat abhi...
Unki yaadoN ki hawa, chhoo
gayi jazbaat abhi..
Har ek pal ka mol, sone se
badkar!
Intezaar ka asar, chhaaya
aankhoN pe chadkar!!
B-mushqil guzra hai din, baaki
hai raat abhi...
Aayenge wo, to kab aayenge,
laboN pe ye sawal hua!
Haal unka abhi jaana nahiN,
meiN kyoN behaal hua!!
Khyaal unke haiN kareeb, baaki
hai mulakaat abhi...
Baadal ne udele haiN aaNsoo,
abhi nami si hai!
HawaoN ki saaNs bhi, mere
saath, thami si hai!!
Har koi saath mere phir bhi,
tanha haalaat abhi...
Zameen pe ghisat ke chalta
hai, intezaar ka pal!
Manzil se pehle hi mausam,
kahiN na jaaye badal!!
Asha ki lehroN ne chooma to
hai, mera haath abhi...
" Tu Aaye To... "
Bas teri kami hai, zindgi ke,
aashiyaane meiN!
Tu aaye to, chidiya chehchahaye
is veeraane meiN!!
Hawa meiN gul ko pheNk kar,
tera lutf liya karte haiN!
Tu aaye, to laaye, hosh ki
lehar, is deewaane meiN!!
Muhabbat teri, rang - e - bahaar
hai gulshan ki!
Kehne ko to insaaN bahut haiN,
is zamaane meiN!!
Tanhai mein, gazhal ka daaman,
bahut bhigo liya!
Tu aaye, to aaye mazaa, saath
haNsne haNsaane meiN!!
KhyaaloN ki tarz par,
taraane azeez the kabhi!!
Tu aaye, to sukooN dil
ko dilaye, zindgi gungunane meiN!!
" Jo Tum Le Gaye Ho Saath "
Dil jo tum le gaye ho saath,
tumhaara apna nahiN hai!
AnkhoN mein haqeekat hai ab,
koi sapna nahiN hai!!
Zindgi se mila to laga, saaNs
baaki hai!
Kareeb aaye to ho phir bhi,
talaash baaki hai!
Dil jo jhoomta hai ab, koi
maamooli dharakna nahiN hai!!
Dil jo tum le gaye ho saath,
tumhaara apna nahiN hai!!
Hawa ke jhoke sunaate haiN,
tumhara raag mujhe!
Khushboo phooloN ki dilati
hai, tumhari yaad mujhe!
Pyaar ki is raah se, kabhi
palatna nahiN hai!!
Dil jo tum le gaye ho saath,
tumhaara apna nahiN hai!!
Daaman khwahishoN ka meri,
bhara sa lagta hai!
Bahut sa waqt tumhaare saath,
jara sa lagta hai!
Dil ko samjhata hoon baar
baar, tujhe tadapna nahiN hai!!
Dil jo tum le gaye ho saath,
tumhaara apna nahiN hai!!
" Suroor "
Mein unse abhi hooN door, Aur wo mujhse door hai! Phir bhi na jaane dil pe, ye kaisa suroor hai!!
Bheege se haiN khyaal aur, dooba sa hai ye hosh! Milne se pehle hi zindgi, khwaboN mein choor hai!!
Us waqt ke aane se pehle, kyuN besabr hooN meiN! Din guzrenge, wo din bhi aayega, ye samay ka dastoor hai!!
Maine to kuchh kiya nahiN, Zindgi yuN mud gayi! Na jaane is raste se, manzil kitni door hai!!
Munh band karke rakho, ya aankhon ko bheench lo! Dil to dharkega hi, uska kya kusoor hai!!
Na shauq -au- tamanna, na mausam hai bahar ka! GhantoN batiyaaoN unse, ye khwahish jaroor hai!!
" To Bahaar Aaye "
Mizaz unka, jaan sakooN gar, to karaar aaye! Ye judaai ka mausam gujre, to bahaar aaye!!
RahoN pe zindgi ke, saath ka, waada wo karte haiN! Kaanto se kabhi guzre zindgi, to etbaar aaye!!
Unki khushi ke liye, sapne bhi kar dooN unke naam! Chehre pe unke aaye jo muskaan, to nikhaar aaye!!
Suna hai duniya, har ek par, uthaati hai ungliyaaN! Kuchh aisa ho, is duniya ko bhi, hum par pyaar aaye!!
Koi khwaaboN mein bhi pooche, haal - e - dil unse kabhi! Pyaar yuN jiye, luboN pe naam mera, baar baar aaye !!
" YuN Jiya Kiye Hum "
Dard ko, takiye ke neeche, chhipakar, jiya kiye hum! Kuch nahin, Kuch bhi to nahin, khud se, kaha kiye hum!! Do din bhi sabr nahin, Har roz to yaad karte hain! Dil ke gharonde mein magar, aankh moond, raha kiye hum!! Gam ki raateN to, zindagi mein, aati jaati hain! Dil ko behlakar yuN hi, har roz gam, saha kiye hum!! Ye khwab hi to hain, koi haqiqat to nahin! Khwabon ko zindgi se, yuN hamesha, juda kiye hum!! Royenge sare aam, to ye duniya hansegi hum par! Kabhi bheegi palkeN gar, aahista se, chhipa liye hum!! ZunooN itna, ki har dariya paar kar lenge! Ehsaas-e-zindgi ki, hamesha hi to, baha kiye hum!! Daman mein khushiyaaN, koi aur nahin, hum hi laayenge! Kamra band karke,intezaar bahar ka, kiya kiye hum!! Dard ko, takiye ke neeche, chhipakar, jiya kiye hum! Kuch nahin, Kuch bhi to nahin, khud se, kaha kiye hum!!
" Kaash? "
Agar ye waqt, is kadar, na paraya hota! Tera naam meri, har gazhal mein, aaya hota!! Wafa ki neev mein, gar etbaar ka, gara hota! Sapno ke gharonodo ko, hawaoN ne, na udaya hota!! ZunooN dimag ka, deewangi gar baha leta! AankhoN ka paani, yuN har roz, na jaya hota!! Naaz hai, humne bhi kamaya hai, dard ka ehsaas! Warna muhabbat ka naam lekar, duniya ne daraya hota!! In kathor pattharoN ke saye mein hi, gar rehna tha! Dil mein kisi ke, ghar mom ka, kyon banaya hota? Agar ye waqt, is kadar, na paraya hota! Tera naam meri, har gazhal mein, aaya hota!!
" Kaise Kahoon? "
Antarman
mera dastak dekar, roz guhar lagata hai!
Man
lambi aanheN bhar bhar kar, dil ko roz behlaata hai!!
Har
haal aise hi sahooN, Mein chup hi bhala hoon...
Phool
khilkar murjha gaye, do pyar ke bol ko tarse wo!
AnkhoN
mein badal sama gaye, phir umar ghumar ke barse wo!!
Sune
jangal mein yuN hi rahooN, mein chup hi bhala hoon...
BhawnayeN
kagaz ko rang ke, thoda sukoon pa jaati hain!
Din
bhi poora nahin kat ta, raat adhoori reh jaati hai!!
Kavita
mein poori kaise kahoon, mein chup hi bhala hoon...
Gulshan sajaya tha, chahat mein vasl ki!
Kya pata tha phool is kadar wo bikhraayenge!!
KaliyoN ne is intezaar mein, kaati kayi raaten!
Ek din unheN wo zulphoN mein sajaayenge!!
Mohtaaz thi aankheN, deedar-e-yaar ko!
Kya pata tha unheN aansuoN se bhar jaayenge!!
Aa to jaate haiN gharoN meiN, wo ajnabi chupchaap se!
Kaanp jaati hai dharti, goonj jo hoti hai unke jaane meiN!!
Unki chhoti chhoti baateN, dil ko behlaati kabhi!
Dard yun gum ho jaata hai, unke hansi afsaane meiN!!
Ek pal ka intezaar bhi, sadiyon baraabar lagta hai!
Par, har der par nahin chookte, wo hasin bahane banane meiN!!
Khud-b-khud dil ka haal bayaN, karte hain unke saamne!
Ek nasha sa chha jaata hai, unki baaton ke paimaane meiN!!
Chhip chhip ke kono meiN, bahut karli aankheN geeli!
Ab maza aata hai 'mukul', saath aansoo bahane meiN!!
JubaN thak gayi pukar kar, aansoo thum gaye haar kar
Dil phir bhi khud ko sawaNr kar, hua deewana mere saamne.
Jaan lene par tule hai wo to chup rehkar 'mukul'
Unse achhe haiN, mujh pe hanste hai jo, rozana mere saamne
Unhe yakiN nahin aisa nahin, pehle to aise na the wo
par kya kahoon, badalta hai roz, zamana mere saamne.
Aas ka chaand bhi simat kar chhup raha hai ghataon mein
shama jalai hai, ki kabhi chedenge wo, tarana mere saamne.
Kaash mein bhi un dino ko bhool sakta , unkee tarah
Kyon roz le aati hain yaaden, wahi afsana mere saamne.
mein jab chota tha to pyar se manuhar se chookar
mere khel- khilono mein sapno ka, sansar pirokar
mujhko chalna, daudna sikhlakar, markar thokar
din b din mushquilon ka tassavur karati ja rahi hai...
Har roz aaine ke saamne bada hota jaata hoon
insaniyat au' pyar magar thoda khota jata hoon
aadmi mein haiwaniyat roz bota jata hoon
nayi nayi khwahishen man mein samati jaa rahi hai...
Anth kab hoga is daud ka, kab ho jaaonga khushhaal
Kab hoga kitna hoga paisa ki kehlaaoon maalamaal
b khushi ke phool hain ya taqdir ka hai jaal
ek anjaane raste per yoon daudati jaa rahi hai ...
'child' hi tha jab kisi ne heart mein 'login' kiya
'find' karke mere 'logingroup' mein 'join' kiya
'init' to 'intro' se hua tha 'asa' friend bazaar mein
tab se...........
Wo to 'nice' thi hi 'graphics' mera bhi 'enable' hua
Doston mein humari 'news' ka 'run level' avval hua
'newgrp' 'newform' hue 'write' karne ko akhbaar mein
tab se .........
'mail' hote rahe kuch 'mesg' dheere dheere
kuch 'dump' ho gaye kuch 'cflow' hue nadi teere
'comb' karke baal ,'cp' ghooma kiye hum car mein
tab se........
'who' 'ar' u 'who am i' 'talk' yoon hoti rahi
'file' aur 'line' baaton ki 'awk' yoon hoti rahi
'sag' aane lag gaya tha load se dil ke 'tar' mein
tab se ..........
'calender' mein 'date' 'clock' mein 'time' phir badta raha
dil ki 'wall' per ek chehra akaar kuch gadta raha
'sleep' kiya karte the ab to sapno ke sansar mein
tab se.......
Ek din ek 'signal' mila 'man' ko jo 'touch' kar gaya
ek nayi 'process' ka 'plot' unke dil se 'link' kar gaya
'lseek' kiye baithe rahe hum unke intezaar mein
tab se.....
'chmod', 'chown' 'chroot' sab daga dete gaye
sare 'types' ke 'command 'core dump' dete rahe
'crash' hoti jaa rahi hai nayiya ab majhdhaar mein
tab se.......
'dial' karke thak gaya, 'ping' bhi chalta nahin
'kill' aur 'killall' se bhi 'plock' ye khulta nahin
'makekey' ki 'help' bhi nahin hai docs ke ambar mein
tab se.......
'passwd' bhi 'memory' se 'ratfor' 'cat' ki tarah bhaga kiya
'exit' isiliye na kar saka 'shutdown' bhi aadha kiya
'true' rasta koi bata de maan loonga use avtaar main.
kab se....
As a glowing sight comes to my terrace
A blinding light fully covers my face
A deafning crash causes heart breaks
Then i can identify, its u !! its u!!
Moon in the night looks into my eyes
Or glowing sun rise in high blue skies
But if compared ,they'r too small in size
People of your stature are very very few.
The words u say cut heart like laser
The warmth i felt is not to measure
A lot to remember and a lot to treasure
Everything is as fresh as morning dew.
When things go wrong, she is by my side,
On Horses of dreams , we go for a ride,
In garden of beauty, a fragrance of rose...
Oh, she is miles away, yet so close...
White milky clouds, travel to her home ,
To pour messages, to create closeness syndrome,
For a thirsty creature, drop of life dose..
Ya, she is miles away, yet so close....
Too many people around, but heart beats for one,
Always waiting for more, even things get done,
I want to hide, but can't, I have to pose...
Oh! she is miles away, yet so close...
Any Comments On Poetry are welcome at
mgolash@hotmail.com
Welcome
To Mukul's Poetic Heart